التعليم في مصر

التعليم في مصر مش محتاجه معجزات ولا حاجه
عشان يتصلح وربنا .. هيا شويه حجات صغيره لو حصلت كلو هيتظبط .. مثلا لما يكون مرتب
المدرس يغنيه عن انو يبقا محتاج لدروس ... ولما يبقى مدير المدرسه يُعين بمدى
الانضباط  وبمراحل التعين كلها من مدرس الى اخصائي لوكيل لمدير ... ولما يبقى

الطالب رايح المدرسه مش بيقضي واجب لا يبقى رايح عشان بيحب يروح المدرسه  ... ولما المدرس يبقى بيعامل الطلاب دول على
انهم زي ولادو ويبقى حابب  يعلمهم عشان يفيدو البلد .. لما التربيه الاسلاميه (

الدين ) تبقا ماده اساسيه ... ولما المواد كلها تبقى من نفس الدرجه .. ولما كل
مدرس يبقى متخصص في مادته بس ... مش مدرس 5 مواد عما ربنا يفرجها ... ولما المدرس
يصدق انو انسان ممكن يغلط وانو مش هيحصل اي مصيبه لو اتناقش مع الطلاب بموضوعيه و

براحه كده .... لما الضرب في المدارس يتلغي و يُعاقب اللي يخالف كده .... لما
المدرسه العسكريه مييبقاش فيها قهوه و شيشا ... والطلاب اللي بيشتغلو 

في القهوه و ده يعتبر نشاط !! ... لما في بواب قد المسؤوليه ميخرجش حد بمزاجو عشان عزم عليه
بسجاره ولا حاجه تانيه ... لما الكل يحترم المدير ويحبو ...  ولما لما لما ... حجات صغيره مش محتاجه ميزانيه
,, هيا محتاجه حاجه من جوانا احنا بس اللي يسمع و يفهم بقا !! .. ومفيش في إيدينا

غير اننا نحلم بمصر احلى وندعي .. يا رب ... 

جواز السفر

انهارده رحت اعمل لأخويا الصغير جواز سفر عشان هيسافر عند الحج .. طبعا اول ما نزلت من العربيه قدام الجوازات لقيت الشارع كلو بينادي عليا .. "" تعالا يا باشا عاوز تعمل جواز .. خد يا باشا اتفضل .. يا كابتن يا كابتن استمارات

 هنا "" ... انا بقا قمت سايبهم وداخل جوا المبنى لقيت واحد لابس لبس عسكري كده سألتو يعني وقالي عالحجات المطلوبه .. طلعت عند واحد من اللي بينادو ظبطلي الحجات وقدمت وكلو تمام .. بس قالولي تعالا امضي الساعه واحد

والكلام ده كان الساعه 9 صباحا .. المهم بعد ما رجعت البيت لقيت اختي الصغيره بتقولي هوا انت عملت الجواز خلاص .. طبعا مرضتش ارد في الاول عشان مش هيبقا بيييس ... سألت تاني قلتلها لا يا حبيبتي لسه الساعه واحده هجيبو 

:P :D :D .. وطبعا صدقت !! ... ما علينا رحت الساعه واحده مضيت و استلمت الوصل وبسأل الموظفه دي سؤال عااابر .. عابر خالص اقسم بالله .. يعني هوا ممكن يبقى سؤال محرج شويه بس عااااابر والله .. كنت بقولها هوا 

انا استلم الجواز امتى .. وعينك ما تشوف الا النور -ههههههههههههههههههه- .. وجابت بقا كل حاجه مشاكل بورسعيد و القاهره و مبارك و البحر والسما والسمك والفراخ وكيلو الطماطم وكل حااجه . كل حاجه .. ما علينا برضو .. 

رجعت البيت جي بقا اخويا اللي بعملو الجواز بيقولي هوا هيخلص امتى الجواز ... ارد اقول ايه بس بس بس ... اقول ايه ولا ايه ولا ايييه ... قلتلو اول ما يخلص هيحطو بوست عندي عالوول على الفيس بوك وهيعملولي منشن

عالتويتر ... اعمل ايه بس :D :D ... ودي بقا حاجه بسيطه من اللي بيحصل في المصالح الحكوميه :D :D وربنا يخليلنا مصر .. عماااار يا مصر xD 

حبيبتي بنت الناس

لكل واحد مننا تخيل لشريك حياتو في دماغو .. في الحقيقه اغلب الناس مبيبقاش حاطط اصلا تخيل بس بيبقا موهوم كده من كتر الأفلام العربي اللي بنشوفها .. بس احنا بنقابل شخص معين بنحس ان هوا ده الشخص اللي كنا بنتخيله ...

 ونبدأ بقا نكتب تويتات وبوستات وكده .. و في ناس تحط #mwagah و اللي يحط اول حرف من اسمو في اخر التويته وحاجات كده جميله جدا الحقيقه :P ... و الشخص ده بنتخيله قبل ما ننام بقا  ويا سلام بقا لو معانا صوره 

ليه يا سلاااااااام شعور تاني خالص :D .. طبعا الصوره دي هتبقى صوره مغروشه كده كانت في حفله او رحله او اي حاجه كده و الشخص ده قعد يزووم زووم زووم ويقص وحجات عبيطه كده ... anyway .. لما يشوفو بقا في  

الجامعه بقا ولا في اي حته يبقى واقف مش على بعضو ويفضل يبصلو زي الاهبل كده و يبقو صحابو بيكلموه وهوا مش واخد بالو ههههههههههههههه ... وطبعا لما تيجي سيرت جواز قدامو او يروح فرح او خطوبه او اي حاجه

يتخيل ان العريس هوا والعروسه هيا و يسرح بقا في خيالووو كده بقا لبعيييييد لغايت ما الحاجه الساقعه تقع على هدومو ويبقى شكلوو زبالللة اوي ,. anyway برضو .. وفي الاخر هقول انو لو بجد نيتو سليمه و ناوي على 

الشخص ده نيه خير اكيد ربنا هيجمعهم مع بعض وكلو هيبقا تماام ان شاء الله ... وهيتجوزو بقا و هيبقى في واحد قاعدلو في فرحو يتخيل انو مكانو برضو ويقع عليه العصير والحياة مستمره ... اغلبنا حصل معاه اغلب الحجات دي ... 

وزي ما اتعودنا لكل قاعده شواذ بقا وفي ناس اوفر اوي زي واحد كده اعرفه ربنا يعينه بقا اللي هوا مبيعملش حاجه في حياتو الا عشان يترسم قدام التاني ده ويا ريتو يستاهل يعني ههههههههههههه .. ودول طبعا ملناش دعوه بيهم ..

و يا ريت الموضوع يبقا عجبكو بقا :D :D :D 

المبــــدعون

عاوزين نتكلم على الناس اللي بتدعي المواهب اللي زادو قوي و المشكله ان في ناس مصدقه ده بجد و ماشيه وراهم .. طبعا الكلام ده في مجالات كتير .. هنتكلم عن حاجه منهم ,, مثلا مصر بقا 75 في الميه منها

 photographers و تلاقي في صفحه عالفيس اسمها  مثلا neno photography او totty photography ,, ما علينا من الإسم بس تدخل الصفحه دي تلاقيه مصور الكنبه بتاعت الصالون عندهم او رجل اخوه

 الصغير طب ايه ؟؟! :O ,, وطبعا كل ده ميمنعش ان في منهم ناس عسل و فنانين بجد .. حاجه تانيه مثلا الناس اللي فاكرين ان صوتهم حلو وبيغنو ,, مش عاوز ادخل في الموضوع بصراحه عشان هشتم ,, بس احب اقولهم ارحمونا

 يعني xD ... دي الحجات الظاهره طبعا وما خفي كان أعظم .. المهم بقا ان الكلام ده مش معناه اني بقول محدش يصور ولا يغني لا ابداااا ,, كل واحد حر وكل حاجه ,, بس الاحسن من انك تعمل صفحه totty photography

 انك تروح تاخد كورس تصوير او على الاقل تقرأ شويه على النت عن الحكايه دي  وربنا يعينك ان شاء الله .. ده اول موضوع ليا ويا رب يبقى عجبكو ...